USED IPHONE CHECKLIST

كيف تفحص ايفون مستعمل قبل ما تشتريه

هاد الدليل من خبرتنا اليومية بالمحل. افتحو على موبايلك وانت عم تفحص الجهاز، وعلّم على كل خطوة بتخلصها. إذا الجهاز وقع بأي خطوة من الخطوات الحمرا، لا تشتريه.

0/0

٣ شغلات إذا لقيتهن، اترك الجهاز فوراً

الجهاز لسا مربوط بحساب iCloud، أو صاحبه ما بيقبل يطلع منه قدامك.
رقم الـ IMEI بالإعدادات مو نفس الرقم اللي عالكرتونة أو اللي بيطلع بـ *#06#.
فيه بروفايل إدارة أو "Remote Management"، يعني الجهاز تابع لشركة وممكن ينقفل بأي لحظة.

1الهوية والقفل

أهم قسم. جهاز مقفول ما بيتصلّح ولا بيرجع حقو.

تأكد إنو Find My (تحديد الموقع) مطفى وحساب iCloud طالعروح لـ Settings › [اسم الحساب]. لازم ما يكون في حساب، أو خلّي صاحبه يعمل Sign Out قدامك ويدخل كلمة السر.✕ إذا ما طلع من الحساب قدامك: لا تشتري. اطلب منه يعمل مسح كامل قدامكSettings › General › Transfer or Reset iPhone › Erase All Content and Settings. بعد المسح، إذا طلبلك إيميل وكلمة سر حدا تاني، الجهاز عليه قفل تفعيل. طابق رقم الـ IMEI بثلاث أماكناطلب *#06#، وقارنه مع Settings › General › About ومع الكرتونة إذا موجودة. لازم يكونوا نفس الرقم. ما في بروفايلات إدارةSettings › General › VPN & Device Management. لازم يكون فاضي، وما يطلع أي شي اسمه Remote Management. الجهاز مفتوح على كل الشبكاتبـ Settings › General › About دوّر على Carrier Lock، لازم يكون مكتوب No SIM restrictions. وجرّب خطك السوري فيه واعمل مكالمة. انتبه للأجهزة الأمريكية eSIM فقطايفونات أمريكا من 14 وطالع ما فيها مكان شريحة. شوف إذا فيه درج شريحة عالجنب، وإذا ما في تأكد إنك بتعرف تشغّل خطك عليه قبل ما تدفع.! مو عيب، بس لازم تعرفه قبل الشراء.

2البطارية

البطارية بتحدد كم رح يعيش معك الجهاز قبل ما تبدّلها.

90%+

ممتازة

80–89%

منيحة، سعرها لازم يكون أقل

<80%

قريباً بدها تبديل

شوف صحة البطاريةSettings › Battery › Battery Health & Charging. شوف رقم Maximum Capacity. بايفون 15 وطالع بيطلعلك كمان عدد دورات الشحن Cycle Count. ما في رسالة "Service" أو "Unknown Part" عالبطاريةإذا مكتوب Service يعني البطارية ضعيفة كتير. وإذا مكتوب Unknown Part يعني مبدّلة بقطعة مو أصلية.

3القطع الأصلية

كتير أجهزة بتنباع على أساس "ما مفتوحة" وهي مبدّل فيها شاشة أو كاميرا.

افتح سجل القطع والصيانةSettings › General › About وانزل لتحت لـ Parts and Service History. إذا القسم مو موجود يعني ما في قطع مبدّلة تقريباً. إذا موجود، شوف شو مكتوب جنب كل قطعة.✓ Genuine Apple Part: قطعة أصلية مبدّلة، مقبولة إذا السعر مناسب.✕ Unknown Part: قطعة مو أصلية، لازم ينزل السعر كتير.

4الشاشة واللمس

الشاشة أغلى قطعة بالجهاز بعد اللوحة.

افحص الألوان والنقاط الميتةافتح صورة بيضا كاملة وصورة سودا كاملة، وكبّر السطوع للآخر. دوّر على نقاط، بقع صفرا، أو خطوط. وطوّل نظرك عالحواف. جرّب اللمس بكل الشاشةاضغط مطوّل على أيقونة وجرّها لكل زوايا الشاشة ببطء. إذا وقفت أو فلتت بمكان معين، اللمس فيه مشكلة. تأكد إنو True Tone موجودافتح مركز التحكم واضغط مطوّل على السطوع. إذا ما بيطلع زر True Tone، غالباً الشاشة مبدّلة.

5فيس آيدي والكاميرات

فيس آيدي ما بيتصلّح بسهولة وغالي، والكاميرا بتبيّن إذا الجهاز وقع.

سجّل وجهك بفيس آيديSettings › Face ID & Passcode › Set Up Face ID. لازم يكمل التسجيل للآخر بدون رسالة "Face ID is not available".✕ إذا ما اشتغل: لا تشتري إلا بخصم كبير وانت عارف. جرّب كل العدساتبدّل بين 0.5x · 1x · 2x/3x/5x، وصوّر شي قريب لتتأكد إنو الفوكس شغّال. حرّك الجهاز شوي. إذا بتسمع صوت تكتكة أو الصورة بترجف، الكاميرا فيها مشكلة. وجرّب الكاميرا الأمامية والفلاش.

6الصوت والشحن

مشاكل بتبين بعد الشراء بكم يوم إذا ما فحصتها.

السماعات والمايكاتشغّل أغنية بأعلى صوت، وسجّل مقطع بـ Voice Memos واسمعه، واعمل مكالمة واسمع من سماعة الأذن. وخلّي اللي معك يسمعك منيح. جرّب الشحنحط الشاحن وتأكد إنو بيبلّش يشحن فوراً بدون ما تحرّك الكبل. وإذا الجهاز بيدعم MagSafe أو الشحن اللاسلكي، جرّبه.

7الشبكة والأزرار

Wi-Fi وبلوتوث وGPSاتصل بالواي فاي، افتح الخريطة وشوف إذا بيعرف مكانك، وشغّل البلوتوث. كل الأزرار والهزازالصوت لفوق ولتحت، زر الباور، زر الصامت أو Action Button، وزر الكاميرا بالموديلات الجديدة. وتأكد إنو الهزاز شغّال.

8الجسم والمي

افحص الإطار والبراغيدوّر على طعجات أو انحناء. وشوف البراغي الصغار جنب منفذ الشحن، إذا مخدوشين يعني الجهاز انفتح قبل. علامات الميدوّر على ضباب أو بخار تحت عدسات الكاميرا، أو بقع داخل الشاشة. إذا موجودين غالباً الجهاز فاتته مي. الكرتونة والفاتورةمو شرط، بس إذا موجودين بيزيدوا الثقة وبيزيدوا سعر الجهاز وقت تبيعه.

نصايح سريعة

افحص بالنهار وبمكان فيه ضو، مو بالسيارة أو بالليل.
لا تستعجل. البيّاع الصادق ما بيتضايق من الفحص.
خود ورقة أو رسالة فيها اسم البيّاع ورقم الـ IMEI والسعر.
إذا الجهاز أرخص بكتير من السوق، في سبب. دوّر عليه.

ما بدك وجع راس؟

كل جهاز بـ TK APPLE مفحوص بهالخطوات، مع كفالة حقيقية لمدة سنة وتبديل خلال 24 ساعة. مع TK خليك بالمضمون.

شوف الأجهزة المتوفرة بدك نفحصلك جهاز؟ راسلنا